Astialdi Foroa: BOLUNTARIOTZA ARGAZKI LEHIAKETA 2015

Astialdi Foroa: BOLUNTARIOTZA ARGAZKI LEHIAKETA 2015

2015-11-12 Noticias 0

Astialdia Astinduz!

GAIA

Astialdian burutzen den boluntariotza ezagutzera ematea: bertan ematen diren esperientziak, baloreak, talde lana… argazkien bidez jaso.

ANTOLATZAILEA

Euskadiko Gazteriaren Kontseiluko Astialdi Foroa (Araba, Bizkaia eta Gipuzkoa).

PARTE-HARTZAILEAK

Euskadiko astiladi arloko boluntario eta elkarteentzat. Parte hartzeko bi bide daude:

  • Maila indibidualean: elkarte batetako boluntario bezala.
  • Taldean: astialdi talde baten izenean.

*EAE-ko elkarte zein pertsonek bakarrik hartu ahal izango dute parte lehiaketa honetan.

ARGAZKIAK BIDALTZEKO EPEA

Abenduaren 4an bukatuko da lehiaketa. Eguerdiko 12:00ak arte bidali ahal izango dira argazkiak.

SARIAK

Irabazleari, 300 € emango zaizkio bere astialdi talde/elkartean beharrezko materiala erosi ahal izateko, ekintza berezi bat antolatzeko…

*Dirua zertarako erabiliko den justifikatu behar izango da. (jarraipena egingo zaio)

Parte-hartzen duten guztiek ere opari bat izango dute, sari banaketara arte sorpresa izango dena.

Gainera, argazki irabazlea eta epaimahaiak aukeratzen dituen hoberenak, urtarriletik aurrera Bilbo, Donostia eta Gasteizen zehar burutuko den erakusketa ibiltari batean parte hartuko dute. Argazkiak inprimatzea eta erakusketa prestatzen Astialdi Foroak kudeatuko du.

EPAIMAHAIA ETA IRIZPIDEAK

Honako kideek osatuko dute lehiaketaren epaimahaia: Euskadiko Gazteriaren Kontseiluko Batzorde Iraunkorreko kide bat, EGK-ko langile bat eta Astialdi Foro bakoitzeko ordezkari bat.

Honako irizpideak izango ditu kontutan epai mahaiak:

  • Argazki lehiaketaren oinarriak
  • Lanak proposatutako gaia ondo adieraztea.
  • Argazki originala
  • Kalitate teknikoa bigarren mailako irizpidea izango da.
  • Argazki bakoitzak izenburua izan behar du eta egoeraren deskribapen txiki bat. Aukeran ere boluntario izatearen zergaitia azaldu daiteke.

Oinarri hauetan zehaztutako baldintzak betetzen ez dituzten lanak baztertzeko eskubidea du epaimahaiak. Epai mahaiaren erabakia abenduaren 14 eta 18 bitartean ezagutzera emango da. Sari banaketa 2016an egingo diren erakusketarekin batera izango da.

ARGAZKIEN EZAUGARRIAK eta BIDALTZEKO BIDEA

Proposatutako gaiarekin bat etortzeaz gain, honako baldintzak bete behar dituzte argazkiek:

  • Parte hartzaile bakoitzak (pertsonak zein taldeak) 3 argazki gehienez bidali ahal izango ditu.
  • Argazkia kalitate onekoa izan behar da, tamaina eta modalitate librean (kolorez edo zuri-beltzez).
  • 2015 urtean zehar ateratako argazkiak izan behar dira eta beste lehiaketara aurretik aurkeztu ez direnak.
  • Argazkiak astialdiforoa@egk.org helbidera bidali beharko dira email edo Wetransfer bezalako tresnen bitartez hurrengo datuak zehaztuz:
    • Izen abizenak
    • Harremanetarako telefonoa (mugikorra)
    • Elkartearen izena
    • Argazkiaren izenburua deskribapen txiki batekin.
    • *Aukeran: Boluntario izatearen zergaitia azaldu.
    • Mezuaren gaian “BOLUNTARIOTZA LEHIAKETA 2015” zehaztu beharko da.

ALDERDI LEGALAK

Izena ematerakoan parte hartzaileak lehiaketaren oinarriak irakurri eta ulertu  dituela adierazten du. Lehiaketa honetan parte hartzeak oinarri guztien onarpena suposatzen du. Parte hartzaileak izango dira argazkietan azaltzen diren pertsonengatik irudi eskubideak direla eta izan daitekeen edozein erreklamazioaren erantzule bakarrak. Bideoan adingabeak agertzen badira, lehiakideek pertsona horien tutoreen baimena izan beharko dute.

Datu Pertsonalen Babeserako 15/1999 Lege Organikoaren arabera, parte-hartzaileek argazkiak bidaltzerakoan Gazteriaren Kontseiluari emandako datu pertsonalak lehiaketarako beharrezkoak diren izapide eta gestioetan kudeatzeko baimena ematen diete.

Lehiaketan parte hartzen duten pertsonek baimena ematen diote EGKri materiala, doan eta egoki ikusten den edozein euskarritan hedatzeko, banatzeko, erakusteko, publikoki komunikatzeko, zabaltzeko eta erreproduzitzeko.

Euskadiko Gazteriaren Kontseiluak lehiaketa honetako oinarriak edozein momentutan interpretatzeko edo aldatzeko eskubidea du, baita saria eman gabe uzteko eta lehiaketa bera bertan behera uzteko ere, beti ere tartean neurri hori bidezkotzen duen arrazoiren bat bada. Edozein kasutan, EGK-k oinarri hauetan eman daitekeen edozein aldaketa, eta bere kasuan, lehiaketa osoaren baliogabetzea bide honen bidez komunikatzeko konpromisoa du parte-hartzaile guztiek informazio hori eskura izan dezaten.

 

Si continúas usando este sitio, aceptas el uso de cookies. Más información

Los ajustes de cookies en esta web están configurados para «permitir las cookies» y ofrecerte la mejor experiencia de navegación posible. Si sigues usando esta web sin cambiar tus ajustes de cookies o haces clic en «Aceptar», estarás dando tu consentimiento a esto.

Cerrar