Boluntariotzaren Azoka (Deustuko Unibertsitatea)

Deustuko Unibertsitateak, boluntarekin (Bizkaiko Boluntariotza eta Gizarte Parte-hartzerako Agentzia) lankidetzan, BOLUNTARIOTZA AZOKA antolatu du, laugarren urtez jarraian.

Azokaren helburu nagusia elkartasunaren eta gizarte-partaidetzaren balioak hedatzea da. Gainera, espazio horren bitartez, unibertsitateko komunitateak jakin ahal izango du zer lan egiten duten boluntariotza-erakundeek, eta boluntariotza-programetakoren batean modu aktiboan parte hartzeko aukera aztertu ahal izango du.

Bizkaiko 50 boluntariotza-erakunde baino gehiago izango dira erakusketan. Erakundeen standez gain, zenbait jarduera paralelo egingo dira (hitzaldiak, tailerrak…), boluntariotza-erakundeek egiten duten lanean sakondu ahal izateko eta lantzen dituzten beharrizan sozialen berri jasotzeko.

Euskalerriko Eskautak Bizkaiak parte hartuko du Boluntariotza azokan.

NOIZ: irailaren 20an (hurrengo osteguna)

NON: Deustuko Unibertsitatean

ORDUA: 10:00etatik 14:00etara

http://feriavoluntariado.deusto.es/