JARRERA HARTZEA | Israel-Palestina gatazka
Israelen eta Palestinaren arteko gatazkaren barruan, Euskalerriko Eskautak Bizkaiak indarkeria erabiltzearen eta herritarren giza eskubideak urratzearen aurka gaudela adierazi nahi dugu. Herritar zibilengan indarkeriaren leherketa horrek eragiten duen minarekin bat egiten dugu. Ez ditugu ahaztu nahi, halaber, mundu osoan izan diren eta oraindik ere gertatzen diren gatazkek herritarrei eragiten dizkieten mina eta ondorio tamalgarriak.
Gure idearioa eskuan dugula, benetako bake-kulturaren aldeko apustu argia eta beharrezkoa egiten dugun mugimendua gara:
C8. Benetako bakearen kulturaren alde gaude. Gizarte gatazkatsuan bizi diren gizon eta emakumeen osoko hezkuntza nahi duen mugimendu garenez, biziaren eta giza eskubideen eskubidearen aldeko jarrera argi eta nahitaezkoa dugu, horien bortxaketa dakarren edozein jarduerari aurka eginez eta salatuz. Era berean, herrien eskubide kolektiboen alde egiten dugu eta indarkeriarik eza dugu gatazkak, eta bereziki gure herrian gertatzen dena, konpontzeko bidetzat. EE tolerantziaren, desberdina errespetatzearen, entzutearen, elkarrizketa eta adostasunaren alde gaude, bakea berdintasun eta bidezko garapenezko egoeratzat hartuz; desdoitze estrukturalen eta honek dakartzan indarkeria moten inpaktua txikiagoa izango den gizartea eraikitzeko bidetzat.
C6. EEek, hezkuntza mugimendu bezala, elkartasuna, aniztasuna, elkarrizketa, desberdinaren eta bertan egon daitezkeen kultura anitzen errespetua nabarmentzen diren lankidetza ikuskerako gizartearen alde egiten du. Gainera, gizon eta emakume guztien funtsezko beharrak, batez ere gizarte bazterketazko dinamika edo egoerak bizi dituztenenak, bermatuko dituen gizartearen alde.
B10. Pertsonengandik eta hauen arazoetatik hurbil dagoen Eliza bizitzen eta horren alde egiten saiatzen gara, hau da, Maitasun sakramentua den Elizaren alde.
Horregatik guztiagatik, EEBk babestu eta sustatu egiten ditu gatazkaren konponbide zuzen eta iraunkorra bilatzen duten ekimenak, eta elkarrizketa bat eskatzen dugu, alde guztiak inplikatuko dituena, erlijio, etnia eta kultura desberdinetako ordezkariak barne, sortutako kalteak konpontzeko irtenbideak bilatzeko. Israelen eta Palestinaren arteko gatazkan, gatazkan dauden lurralde horietako giza eskubideen urraketak bertan behera uzteko deia egiten dugu, jatorri etnikoa, erlijioa edo nazionalitatea edozein izanda ere. Hor sartzen dira bizitzeko eskubidea, askatasuna eta duintasuna.
Lurralde okupatuen bizi-baldintza zailez jabetzen gara, eta bidezko tratuaren, giza eskubideen errespetuaren, oinarrizko zerbitzuetarako sarbidearen eta erakunde humanitarioentzako laguntzaren alde egiten dugu, horiek funtsezkoak baitira premia handiena dutenei laguntza emateko. Era berean, erakunde horien guztien lan humanitarioa goraipatu nahi dugu, Scoutena barne; izan ere, zoritxarrak eta erasoak gorabehera, funtsezko zeregina dute tokiko komunitatearen bakea eta ongizatea sustatzeko, eta, kasu honetan, baldintza larrietan laguntza humanitarioa emateko.
Azkenik, Francisco Aita Santuaren ahotsarekin bat egin genuen, joan den igandean, Ángelusen, indarkeria bertan behera uzteko eskatuz, eta “bahituak askatzeko deia” berrituz; “haurrak, gaixoak, zaharrak, emakumeak eta zibil guztiak gatazkaren biktima ez izateko” egindako eskaerari erantzunez. Era berean, bat egiten dugu eskubide humanitarioa errespetatzeko egindako eskaerarekin: “bereziki Gazan, bertan ezinbestekoa baita korridore humanitarioak bermatzea eta herritar guztiei laguntzea”. Gainera, aipatu nahi genuke Joseba Segura gotzainak Lurralde Santuko bakearen alde eskatu duela eta, hori dela eta, Belengo Bakearen Argiaren kriseilua piztu dela, eskaut mugimenduaren eskutik Bizkaira iristen dena. Argi hori itzalita egon ohi da urtean zehar; hala ere, modu ezohikoan piztu da, eta gotzainak azpimarratu du «bereziki biktima inuzenteengatik eskatzen dugu».
Espainiako Eskultismo Federazioaren bakerako eta gerraren aurkako zenbait hezkuntza-baliabide erantsi ditugu, eskautekin lan egiteko:
https://scoutsfee.es/recursos-educativos-por-la-paz-y-contra-la-guerra/
