Eguberri on!
EEBko ordezkaritzak Gabon zoriontsuak eta eskaut abenturaz eta ikaskuntzaz beteriko urte berri oparoa opa dizue! 🎄✨
Gabon hauetan une batez gelditu nahi dugu, 2025ean bizitako guztiari begiratzeko eta eskerrak emateko. Urte bizia izan da, hazten lagundu diguten une garrantzitsuz betea, eta baita pertsona eta talde gisa proban jarri gaituzten momentu zailak ere.
Bidea ez da beti erraza izan, baina konpromisoari, ilusioari eta elkarri emandako babesari esker, zailtasunak ikaskuntza bihurtzen jakin dugu, eta aurrera egin dugu alaitasunez, itxaropenez eta espiritu eskautarekin. Elkarrekin partekatutako topaketa, jarduera eta pauso bakoitzak gogorarazi digu zein indartsuak garen elkarrekin bidea egiten dugunean.
Jaiegun hauek atseden hartzeko, bizitakoa ospatzeko eta balioek gidatuta mundu hobea eraikitzen jarraitzeko gogoa berritzeko garaia izan daitezela.
Euskalerriko Eskautak Bizkaiatik, Gabon zoriontsuak eta urte berri argitsu, irribarretsu eta erronka berriz betea opa dizkizuegu.
Gabon zoriontsuak eta urte berri on! 🎄✨
