Iñigo Urretxaga izango da Euskalerriko Eskautak Bizkaia elkarteko Fede arduradun berria

Iñigo Urretxaga Errekaldeberriko Eskaut Taldeko kidea izan da 16 urtez. Lehenengo ume bezala eta gero begirale bezala. Azken etapa honetan, heziketa arduraduna eta taldearen koordinatzailea izan da. Orain, eskultismoko konpromisoa zabaldu du, eta Delegazio taldeko kide izango da, Fede-ko arduradun gisa.

“Eskultismoan 16 urte eman ondoren —lehenengo ume moduan eta gero begirale gisa—, urrats bat gehiago ematea erabaki dut, eta ardura berri baten bidez zerbitzatzen jarraitzeko nire burua eskaintzen dut. Urte hauetan guztietan Errekaldeberriko Eskautetan pertsona, hezitzaile eta fededun gisa hazteko aukera izan dut, prozesuak lagunduz eta komunitatea fede, konpromiso eta zerbitzuaren gune gisa baloratzen ikasiz.

Koordinatzaile eta Heziketako arduradun izandako esperientziak eskultismoaren errealitatea gertutik ezagutzeko, taldeak dinamizatzen eta pertsonak zaintzen trebatzeko aukera eman dit. Horrez gain, “Vaya Cristo” taldean eta Gure Amaren Elizan parte hartzeak fedea eguneroko bizitzan txertatzen eta modu partekatu eta koherentean bizitzen lagundu dit.

Une pertsonal eta espiritual egokia dela sentitzen dut mugimenduari ekarpena egiten jarraitzeko. Motibatzen nau fedea eta ekintza lotzeko aukerak, beste talde batzuei euren bidean laguntzeak eta zerbitzutik ikasten jarraitzeko aukerak. Badakit ardura honek erronka ugari dakartzala, baina sinesten dut fedean, talde-lanean eta komunitatean oinarrituta, erronka horiek guztiak hazteko aukerak bihur daitezkeela guztiontzat.

Eskaut izan eta zerbitzura egon, bihotzez. Beti prest!”

Zorionak Iñigo eta beti prest!