200 gazte baino gehiago bildu ziren joan den larunbatean 2026ko Formakuntza Jardunaldiak egiteko

Urtero bezala, Euskalerriko Eskautak Bizkaia taldeko begiraleak 200dik gora izan ziren euren ikaskuntzan hazten jarraitzeko formakuntza jardunaldietan, euren gazteak ahalik eta hobekien hezi ahal izateko.

“Sustraiak indartuz” lelopean, joan den larunbatean, martxoak 7, hainbat tailer egin zituzten Indautxuko Jesuitak ikastetxean, taldeen beharrei erantzuteko.

Egunean zehar, begiraleak mugimenduaren delegazioak eta Heziketa mahaiak prestatu zituzten jardueretan banatu ziren. Goizean zehar, Errealitatearen Azterketa on bat egiteko moduari buruzko bloke bat egin zen, eta Parte Hartzeko Guneen lanarekin jarraitu zen, ikasturte honetako hausnarketa jardunaldietan hasi zena. Gainera, kontsiliarioek eta laguntzaileek beren zereginean lan egiteko eta aurrera egiten jarraitzeko espazio propioa ere izan zuten.

Berritasun gisa, Ingurune Seguruko karpa aurkeztu zen modu ofizialean. Edozein pertsona joan ahal izango da bertara, deseroso, kaltebera sentitzen bada edo bere eskubideak edozein egoeratan urratu direla sumatzen badu. Gune hau konfiantzazko eta babesleku izateko asmoarekin sortu da, non Ingurune Seguruko arduradunak berehalako arreta, laguntza emozionala eta orientazioa emango dituen. Helburua argia da: arrisku egoera baten aurrean inor bakarrik sentituko ez dela bermatzea eta bertaratutako guztien errespetua eta segurtasuna erabateko lehentasuna izango dituen ekitaldi bat finkatzea.

Eukaristia baten ondoren, arratsaldea barne komunikazinoko, kanpoko komunikazinoko, fedearen pedagogiako, haurren eskubideetako eta ekologia integraleko prestakuntzak egiteko erabili zan. Ondo aprobetxatutako eguna, ondoren taldeek egindako jardueretan sakondu ahal izateko.

Argazki guztiak gure flickr-en.